السبت والأحد والاثنين
والخميس
وربما الثلاثاء والأربعاء
إجازة
النقطة الإيجابية
فرصة أكثر لتعديل ما سيكتب
وفي نفس الوقت
اتصال هاتفي السبت بأنك خلصت كتابة ما
طلب منك
وخليها على الله
مفيش حاجة إن شاء الله
Thursday, April 24, 2008
Monday, April 21, 2008
أدب الموبايلات
كعبي اليمين والجزمة
سيجارة مع طلعى سلم
أنفاسي عايز أنام
بنطلون أسود عبيط مع
شعر قطط فتحة تهوية
مخاوف صوت
لما أسمع مبسمعش
متأخر
Sunday, April 20, 2008
Saturday, April 19, 2008
ساعات وعلى طول
يمكننا النظر للأرض
على أنها كرة
تشغي بالبشر
والمكعبات الملصوقة بها
ومن وقت لأخر
وربما كل لحظة
تتعفر بؤر منها صغيرة بالتراب
لوضع جسم جديد
وسط كل هذا
لا يوجد
في عقلي
سوايا
أو انعكساتي على الأخرين
وأحيانا تكون كرة
مجرد نقطة في فراغ
وتعشق مقدمة رأسك وأذنيك
وخدك تعبيرات مثل
السديم الكوني
والأديم السرمدي
ومجرات كوريبوس
البعيدة عنها مئات المجرات الضوئية
ونحن نجلس في توتر
بلا داعي
هذا ما يبعث الأمل والخوف
أننا مجرد نقطة في هذا السديم
وأحيانا يكون مفهوم الأرض
عندنا شارع وتراب وناس
وعربيات وحر وبرد
وبيوت
وصداع
ويكون أهم شيء
إنك تنام وقبليها تاكل
كل دا وانت متعرفش
انك ماشي
وسط
مسام جلدية
لكورة ناشفة
مليانه نمل وكائنات
وكلهم بيتكلموا
يتخانقوا
أو يتجوزوا
أو بيعملوا اي حاجة
المهم إنهم بيعملوا
يعني الدم مبيتجمدش جواهم
تصبح على خير
وساعات تحلم تنط على الكواكب
من مدرة لمدرة
وتلائي نفسك
نوسترداموس جديد
Thursday, April 17, 2008
النهاردة الصبح
مسكت كشكول
كنت مش عايز اكتب فيه
وخايف اكتب فيه
كان نفسي اسيبه
ابيض
وفاضي مليان
كتبت
أهم الفصول والأبواب
أفكار تقسيم البحث
واللي هقدمة السبت اللي جاي
اللي مطمني
اني السابع ماجاش
والسابع دا
فاضل عليه وقت
لكن الاسبوع اللي جاي
هئدم
واحسم
في نفس الوقت
لو كان سهم القدر نفذ
مش مهم
ولنبدأ من جديد
وانت الكسبان
ولو عكش كدا
يبقى نئدم وخلاص
وطالما السابع مجاش خلاص
ودايما ائول في سري
ما دام السابع ماجاش يبئى متئدرش
كمان امبارح كان الرابع عشر
يعني السبت ميعاد كويس
وهتكون موجودة
وتشهد على ما كتبته
بدل الاربع تئدم وتقلق
لحد متئول رأيها
ساشترط عليها قراءته السبت
وتئول رأيها
ونخلص بئى
على خير في كل الأحوال
بإذن الله
ليكن ما يكون
في نفس الوقت تظهر في حياتك
بوجهها الشيطاني المحبب
وعيناها المسحوبتان تعبا
تفرح حين تكتشف
أنك أطول منها
على مسطرة الخياط
كتفك العريض هو ما يظهرك قصيرا
تسخر من نفسك حين تقرأ
ما تقوله الآن
وتقول
انت حبيت ولا إيه يا عبيط
وترد على نفسك ـكما يتهمك البعض ـ
لن يتكرر سيناريو 2005
مرة أخرى
Wednesday, April 16, 2008
بجد لازم نفرح
أصل مش كل شويا
وعلى طول هنعيش في زعل وقلق
أو عصبية ورعشة رموش
مش عيشه دي
اللي تبدأ
بانمحاء اخبارك
من الموقع الإلكتروني
اللي انت شغال فيه
والصحيفة
اللي انت برضه شغال فيها
بشكل تأمري لذيذ
لأ ويستمر اليوم
في وساوس تئولك
في شكل تأمري
برضة
انت خلاص
مالكش شغل في المكانين
انس
ومش هتعرف تشتغل في أي مكان تاني
انس
من جانبك تستغل خلايا عقلك
زحام المترو وحرارة الجو
لتضخم هذه الوساوس
وتحولها إلى كادرات معاشة قد تصل
لمشاهد بارعة التصميم
ورغم ذلك أراك الآن
تكتب على الكيبورد
في لا تبالي
استمر
Sunday, April 13, 2008
رسالة إلى انشراح الزملاوي
عش كل لحظة بأدب وفن ورسومات
وغناء وسخرية
لا تخف واعلم
أن الحياة ما هي إلا حالات شعور
ونحن فنانين بها
نشكلها كما نريد
بقوانينا الخاصة
والتي هي في الأساس
قوانين علمية
نختار منها ما نريد
دون اهتمام
من الجو المسرحي
السائد في الكون
والذي نتج
من تمثيلياتنا الخاصة
ومسمياتنا الخاصة
واهدافنا الخاصة
والتي مع الغالب
تكون أبعد شيء
عما نريد
Friday, April 11, 2008
الباقي من الزمن أربعة أيام
على الرغم من الإحساس القلق
أن لا أحصل على الماجستير
إلا أنه هناك طاقة داخلية
تشعرني بالرضا
والتسليم
أنني سأنجز الأمر
واحسمه
وأن اللي ذاكر ذاكر
هذا المثل الذي لا أفهمه إلا مرة كل عام
أو مرة كل خمسة أعوام
السبت الأحد الاثنين الثلاثاء
والتسليم للبحث الأربعاء
يهيه شيهيه
ليكن ما يكون
خير إن شاء الله
على كل حال
Thursday, April 10, 2008
Monday, April 7, 2008
اليوم السابع من أبريل
كنت مشتاقا
لكوب الشاي دا
معرفش ليه
يمكن عشان اليومين دول
هتتحسم بالخير في كل الأحوال
مرحلة طويلة من حياتي تمتد لخمسة سنوات
ويمكن عشر سنوات
ويمكن عشان
أنا متضايق
من حالة الخصم اللي سايدة العمل
ومرتبات النص كم
اللي ماخبيش عليكم
انا حاسس انها ممكن تحصل معايا
اتفقنا اننا منقبضش مرتبنا
لحد ميتمنع الخصم
ما زلت أرشف الشاي
في استمتاع مندهش
Friday, April 4, 2008
ياه هي الغلاسة بئت سمت اليومين دول
بكره لازم الصبح أروح الكلية
واصطبح بأم وش السكرتيرة
الله يحرقها
وعينيها المبرقة
ولازم ائولها
اديني الكشكول
عشان أصحح اللي فيه
انا عارف إنها طيبة
وكل الناس طيبين
بس أنا اللي مبحبش
العافية
والتحذير
بس كدا
أنا مش طالب في مدرسة إعدادي
بس ولازم
تئرف نفسك الصبح
وانت صاحي من النوم ورايح الشغل
إنك تروح بدري نص ساعة
يعني تكون في الكلية
الساعة تسعة بالضبط
وتركب المترو بعدها
عشان تاخد الكشكول بتاعك
أو تسيب ورقة للدكتورة انك تحضر الكشكول
او تتصل بيها
حاجة تئرف
بس احنا فين والصبح فين
لسه على الكلام دا اربعتاشر ساعة
يعني حياة تانية
الأيام الأربعة الجايا عايزين مذاكرة
جامد اوي اوي
وانا قادر على كدا
واللي كاتبه ربنا يكون
لتكن مشيئته كما في السماء
كذلك على الأرض
Wednesday, April 2, 2008
هي دي الخنئة بجد
لما تتوقف عن عمل بئالك خمس سنين
ارفان منه
لكن في نفس الوقت
عايز تحصل عليه
وفي كل مكان
تلائي اللي يئولك متخافش
هتحصل على هذا الشيء
لدرجة إنك أصبحت متيقن من دا
وفجأة
تجد أهم إنسان في الموضوع
بيئولك
خلص عشان ممكن مخليكش
تحصل عليه
وتبدأ
في اجترار دا
على شغلك
وتئول مش طائق أبص
في أي حاجة تفكرني
بالشيء موضع الخوف
واللي انت خايف يروح منك
في نفس الوقت اللي بتئول
فيه أنا هستريح كدا كدا
كمان اسبوعين يتحدد كل شيء
لئمة العيش
حتى لو من طريق كرهته
لازم تستمر فيها
الأيام بتنسي
أنا كنت خاطب قبل كدا
ومع ذلك
اشتغلت في المحافظة
اللي كانت تنتمي لها خطيبتي السابقة
وظلتت أحكي عنها
واعذرها
واستمرت الحياة
برضه
إذا كان فيه حاجة بتضايقكك
وهتلون
كل حاجة بتعملها بسحابة من أرف
الزمن هيمحي كل دا
ولن يبقى إلا
العمل والمال
والرغبة في الحصول على أشياء أخرى
ربما نفس التي كنت ترغبها من قبل
ونفس الموضوع اللي كنت شغال فيه
طالما وجدت الرغبة
لا شيء مستحيل
ولهذا اصبر
لعلك تحصل على الشيء
ولعلك لا تحصل عليه مؤقتا
فتحصل عليه في
وقت أخر ومكان أخر
في كل الأحوال
استمر
انت الناجح وهم الفاشلون
هم الأطفال
المعتوهون
مختنقي النفس والرؤية
ربنا معاهم ويشفيهم
ملحوظة :
في حالة اكتشاف عدم جدوى ماعت
في هذه الحالة سأجد
شكوى ما أقدمها
لها مسوغ قانوني
وإن لم أجد
يكفي أن أعبر صحفيا عما حدث
وإن ام ينفع سأترك الأمر برمته
والمستقبل يمنحني
القوة والرقي
والأيام تقول لي :
استمر
واضحك
Subscribe to:
Posts (Atom)
