حالة زويما

تتكون التركيبة الهوائية حول أنف زويما باركنيسيس
من عدة عناصر هذه الأيام
"حرقة دم" يومية
يشعر بها قفصه الصدري قبل
معدته وقفاه
شعور بالاغتراب داخل بيته
حالة دوخة وجودية
مش عارف إذا كان هو عارف ولا لأ
لدرجة إنه بيعتقد إن كل يوم بيمر عامل زي الحلم
يمكن من الملل وتكرار الأيام
أو ربما لضعف حاسة الإبصار
أو إحساس بأنه مجرد عينين
محاطين بشبورة من الأحداث غير المفهومة
وغير المرئية
أي كان الأمر
لسان زويما لا ينطق بكلمة "أنا زهقان"
لكن ينطق بعبارات زي " أنا مش عارف هو فيه أنا اللي ممكن يزهق أو يفرح"
دا باختصار حالة زويما